Starbucks Coffee Lingoes
记录一下工行的交易限额设置
海上风“儿童节”献礼之十一：儿歌作品选（沪地方言歌）
http://blog.163.com/suntree@126/blog/static/11161222007431102514401/
1，落雨喽，打烊喽，小八腊子开会喽。
2，冬瓜皮，西瓜皮，小姑娘赤膊老面皮。（嘲讽小女孩赤膊时唱。）
3，学人家样，烂肚肠，花花剪刀剪肚肠。（嘲讽学样者时唱。）
4，长脚鹭鸶敲洋钉，敲来敲去敲勿进，原来是只螺丝钉。
（“长脚鹭鸶”比喻高个子，“鹭鸶”与“螺丝”在上海话中是谐音的。这首儿歌在嘲讽高个子时唱。）
5，啦，啦，啦，骑马到松江。松江老虎叫，别转马头朝北跑。
6，山浪有只庙，庙里有只缸，缸里有个小和尚，嗯呀嗯呀要吃绿豆汤。（“嗯呀嗯呀”：小儿啼哭声。）
7，一歇哭，一歇笑，两只眼睛开大炮。一开开到城隍庙，城隍老爷开口笑。（嘲讽破涕为笑者时唱。）
8，今朝礼拜三，我去买洋伞，落脱三角三，打只电话三零三，回去做瘪三。
9，－哎哟——哇！
—做啥啦？
－蚊子叮我呀！
－快点上来呀！
－吾没路样呀！
－飞上来呀。
（游戏歌，玩一种两人游戏时唱。）
10，摇呀摇，摇呀摇，摇到外婆桥。外婆叫我好宝宝，一块馒头一块糕，吃仔就要跑。
11，笃笃笃，卖糖粥，三斤薄桃四斤壳。吃侬个肉，还侬壳。张家老伯伯，问侬讨只小花狗。
12，一双鞋子两样个，三个铜板买来个，四川带来个，五颜六色个，七仔八搭个，究（九）竟有勿有？实（十）在勿没个。
13，喂喂喂，侬姓啥？我姓黄。啥个黄？草头黄。啥个草？青草。啥个青？碧力青。啥个碧？毛笔。啥个毛？三毛。啥个山？高山。啥个高？年糕。啥个年？一九九七年（可以任意填写年份），挪姆蚂生个小癞痢，养辣袋袋里，掼那河浜里。
加入收藏！
